學會了的事：
1. 正能量是沒有用的，但不是代表要消極。只是接受了世界是殘酷而無情，機會唔係你，好大程度因爲你唔夠好，或者唔夠勤力。所以唔得，咪再做好啲。
2. 有啲嘢真係急唔嚟，用咗幾年時間學識一句欲速則不達，有時想開Turbo練耐啲瞓少啲，點知第二日做嘢就會冇哂精神。特別係技術上的嘢，要做到一個headstand，或者彈到一段138的六連音，需要係日日練好過你連住練幾個鐘之後幾日唔練。
3. 一支竹仔易折彎係真。唔係話唔可以一個人行到好遠，但做戲劇，或者音樂，一個團隊遠重要過一個人獨腳。你盡力幫對手做到佢個部分，佢會回敬返你，你專心感受鼓佬個groove，成個音樂會好alive。
4. 健康真係好緊要。其實我個人比較心急，又唔自律又亂嚟，做嘢冇咩計劃。身體好誠實，到佢真係病，冇幾可係因為你呢兩日食多咗兩條薯條，係因為呢幾個月的睡眠不足，或者飲食習慣差先會。已經好多次因爲整壞咗個身體而令到做唔到嘢，唔值得。
5. 講少啲嘢。有時人地問我係咩人，我都唔識答，有時喺好熟的人面前，我會好嘈，因為好開心好自在。但而家都少咗好多嘢講，因為好多都無謂，無咩意思，反而聽下人講多啲嘢會好啲。
6. 最後一句，係同自己講，唔好比咁大壓力自己，其實啲壓力come from nowhere，如果問題有方法解決，冇嘢需要擔心，如果問題都解決唔到，咁擔心都冇咩用。Nothing to lose，所以唔好擔心，打持久戰。
（我覺得大學四年讓我學會很多做人處事，知識真係好有限，因為我真係冇乜點上過堂。但呢堆經歷幫咗我好多，謝謝四年前努力考上中大的自己，感激）
Search